Azərbaycanın İranla sərhəddi niyə yer dəyişib?

 Naxçıvan MR-nın Şərur rayonunun Ərəbyengicə kəndi ərazisində Araz çayının yeri dəyişdirilərək Talıbovun İrana "hədiyyə" etdiyi iddia edilən 30 hektar torpağın Google Earth görüntüləri açıq şəkildə göstərir ki, 2019-cu ilədək Azərbaycanın ərazisi olan və Şərurlular tərəfindən istifadə edilən otlaq sahələri İrana keçib.

İran tərəfi arazın əsas axınının yatağının üzərini doldurub, həmin əraziyə körpü (torpaq yol) salıb və Azərbaycan tərəfin otlaqlarını qazaraq yeni axıntıya yer yaradıb.

Bu Konstitusiyon cinayətdir və dərhal Baş prokurorluq bu məsələni nəzarətə götürüb, peyk görüntülərini xüsusi ilə 2019-dan sonrakı dövrləri incələyib, insan müdaxiləsini aydın sübut etməli və bu ərazilər əvvəlki 2019-cu ildəki yerinə qaytarılmalıdır.

Görüntüləri təqdim edirəm:

2018-ci ildə ərazinin peyk görüntüsündə görünür ki, araz çayı İran tərəfdən axır və Azərbaycan tərəfdə 23 hektarlıq geniş otlaq mövcuddur:

Bu şəkil 2019-cu ildə çəkilən peyk görüntüsüdür. Bu görüntüdə aydın görünür ki, Arazın İran tərəfdən axan axıntısı iki tərəfdən bağlanaraq, çaya yeni yataq qazılıb və bu 23 hektarlıq otlaq sahəsini İran tərəfdə buraxacaq şəkildə edilib:

Digər görüntülər də bunu sübut edir: